'ബ്ലാങ്ക് പെയിൻ' - ഏറ്റവും പഴക്കം ചെന്ന വാച്ചുനിർമ്മാതാവ്

287 വർഷമായിട്ട് ലോകത്തിലെ ഏറ്റവും പഴക്കം ചെന്ന ബ്രാൻഡായി ബ്ലാങ്ക് പെയിൻ ഇന്നും നിലനിൽക്കുന്നു. നിരവധി പ്രതിസന്ധികളിലൂടെ കടന്നുപോയ കമ്പനി അവരുടെ മുദ്രാവാക്യമനുസരിച്ച് ഒരിക്കലും ക്വാർട്ട്സ് വാച്ചുകളോ ഡിജിറ്റൽ വാച്ചുകളോ നിർമ്മിച്ചിട്ടില്ല. വൈഡിംഗ്, ഓട്ടോമാറ്റിക് അനലോഗ് വാച്ചുകൾ മാത്രമാണ് നിർമ്മിച്ചിടുള്ളത്. പ്രതിദിനം 2,000 വാച്ചുകൾ നിർമ്മിക്കുന്ന വാച്ച് നിർമ്മാണത്തിലെ രണ്ടാമത്തെ പഴക്കം ചെന്ന കമ്പനിയായ റോളക്‌സിനെപ്പോലുള്ള ഒരു വലിയ വാച്ച് മേക്കറുമായി താരതമ്യപ്പെടുത്തുമ്പോൾ , ബ്ലാങ്ക്‌പെയിൻ പ്രതിദിനം മുപ്പതിൽ താഴെ വാച്ചുകൾ മാത്രമെ നിർമ്മിക്കുന്നുള്ളു. അതും ഓരോ വാച്ചുകളും വിദഗ്ദനായ ഒരു വാച്ചുനിർമ്മാതാവിന്റെ കരസ്പർശനത്താൽ മാത്രം നിർമ്മിക്കപ്പെടുന്നു. ഇന്നും ലോകത്തെ ഏറ്റവും ഊർജ്ജസംഭരണശേഷിയുള്ള ഓട്ടോമാറ്റിക് വാച്ചുകൾ ബ്ലാങ്ക് പെയിൻ വാച്ചുകളാണ്. മെർലിൻ മൺറോ, ബ്രാഡ് പിറ്റ്, വ്ലാഡിമിർ പുടിൻ എന്നീ പ്രശസ്തരൊക്കെ ബ്ലാങ്ക് പെയിൻ വാച്ചുകളുടെ ഉപയോക്താക്കളിൽ പ്രശസ്തരായവരാണ്.